Psalms 82
1canticum psalmi Asaph 2Deus ne taceas ne sileas et non quiescas Deus 3quia ecce inimici tui tumultuati sunt et qui oderunt te levaverunt caput 4contra populum tuum nequiter tractaverunt et inierunt consilium adversum arcanum tuum 5dixerunt venite et conteramus eos de gente et non sit memoria nominis Israhel ultra 6quoniam tractaverunt pariter contra te foedus pepigerunt 7tabernacula Idumeae et Ismahelitarum Moab et Aggareni 8Gebal et Ammon et Amalech Palestina cum habitatoribus Tyri [ (Psalms 82:9) sed et Assur venit cum eis facti sunt brachium filiorum Loth semper ] [ (Psalms 82:10) fac illis sicut Madian et Sisarae sicut Iabin in torrente Cison ] [ (Psalms 82:11) contriti sunt in Aendor fuerunt quasi sterquilinium terrae ] [ (Psalms 82:12) pone duces eorum sicut Oreb et Zeb et Zebee et Salmana omnes principes eorum ] [ (Psalms 82:13) qui dixerunt possideamus nobis pulchritudinem Dei ] [ (Psalms 82:14) Deus meus pone eos ut rotam quasi stipulam ante faciem venti ] [ (Psalms 82:15) quomodo ignis conburit silvam et sicut flamma devorat montes ] [ (Psalms 82:16) sic persequere eos in tempestate tua et in turbine tuo conturba eos ] [ (Psalms 82:17) imple facies eorum ignominia et quaerent nomen tuum Domine ] [ (Psalms 82:18) confundantur et conturbentur usque in saeculum et erubescant et pereant ] [ (Psalms 82:19) et sciant quia nomen tuum est Dominus solus tu Excelsus super omnem terram ]
Copyright information for
Vulgate_HebPs